是日A-level 放榜,回想起差不多7年前放榜的日子,如果你問我當時緊唔緊張,我好肯定答你"唔緊張".橫掂都考左, 成績唔好都係自己問題,反而應該緊張JUPAS放榜.
成績好又好大機會入到大學既同學仔,恭喜你先.好好享受3年大學生活, 得閒諗下讀飽書之後做D咩. 入唔到大學既同學,想升學既有ASSO, HI-DIP, 想做野既就要認真諗諗將來條路點行. 對年青人黎講最大轉變唔係升學, 係由學校走出社會呢段時間. 與人相處同溝通非常重要, 多D注意自己待人接物既態度. 有時一聲早晨,走時一聲再見都可能影響人對你觀感.
成績好唔代表你一定成功, 不過機會係比較多. 考得唔好唔代表你差. 人生除左考試仲有其他野應該值得你花時間去追尋. Life isn't over, till it's over.
Have a nice weekend.
