香港教育

「全球的大學教育正在急遽改變。世界各國在經濟發展方面爭相競賽；推動學者進行研究的是資源的角逐，而非對知識真理的渴求；社會重視大學排名，以致忽略了培育年輕靈魂的使命；教師的回報主要取決於他們的「生產力」而非學養。」

讀大學原意係求學問,求真, 求創新. 大學不是職業訓練所, 香港社會價值觀令有才的學生蜂擁到商科, 產生BBA bubble. 做成人材資源錯配.

而更多大學學額無疑係自毀長城. 現有數量的大學學額都講緊學歷膨脹問題, 缺乏social mobility. 開放學額係揠苗助長, 加深大學生的質素參差不齊問題.

香港教育改革愈改愈差.
第一波 母語教學最終都係失敗收場, 政府就死都唔認, 孫公只係"開放學校微調". 十多年學生已受影響.

第二波 334 + 通識, 名校生家長有D家底既全部轉讀 IB / 外國留學, 家長已經用行動投下不信任既一票. 國際 / 本地社會認受性都受到質疑. 通識科最好笑, 你考到識飛外國都唔計入學參考. 1)質疑是否解決到認受性? 2) 即使解決到, 空白期學生幾年間何去何從? 社會/學生花幾年時間的社會代價是否值得?

再者, 香港高官,議員,有錢人, 有幾多子女係香港升學? 連佢地唔比自己子女係香港讀, 去歐美升學, 我引申係歐美比香港學制好先會比子女係歐美升學. 人地好個套又唔跟人改, 自己就改到香港個套一塌胡塗.

第三波 國民教育更加唔使講, 大陸化的表現.

如果你認同以上
如果你係切身感受到教改既同學/朋友, 你應該出黎話比政府聽, 佢地改得有幾差. 班白痴議員到底做左D咩.
如果你係家長, 你真係關心仔女既教育, 唔想仔女再受害, 你應該出黎話比政府/議員聽, 你地唔想佢再改.
如果你係香港納稅人, 政府資助左幾千萬攪國民教育, 出左一本咁既野, 你收唔收貨?